Laurdag under årets Vågåtreff vil vi få ønskje velkomen til ein heiderskonsert, for og med ein real heidersmann frå Sel! "Øystein Ulen – i ord og tonar" blir ein konsert kombinert med mange forteljingar frå Ulen sitt minnerike liv, og hans mange bragdar og utmerkingar!Mellom anna har Ulen fire sigrar på Landsfestivalen i gammaldansmusikk, han starta Ulens kvintett, spelemannsnominert fleire gonger, hadde ideen til teateroppsetjinga om Kristin Lavransdotter på Jørundgard, og starta Dansefestivalen på Sel med over 20 000 besøkande kvart år.Dette, og mykje meir får vi høyre om – med ord og tonar – laurdag 31. oktober. Her er nokre av dei vi får høyre: -Hallingdal kraftlag -Jon Faukstad - Mari Midtli -Sør-Fron spelemannslag -Vågå spelemannslag - (Gamle) Grindstuen & Midtlis orkester, med Johannes Odde, Magne Grindstuen, Gøran Midtli, Terje Kaas og Arne Stasviken - Nyhus kvartett - Leif Inge Schjølberg og Dag Gården - Ulens kvintett - Henrik Ulen, Henning Grindstuen og Roger Slåstuen - Nye Ringnesin - Henning Sommero Programleiar er Odd Arne Halaas! UngINN-pris for ungdom mellom 13 og 21 år med UngINN-bevis.